हलमा मिरुनामाथि अभद्र व्यवहार, प्रहरीमा उजुरी

नायिका मिरुना मगरमाथि काठमाडौंको सिभिल मलमा दुव्र्यवहार भएको छ । आइतबार फिल्म ‘कबड्डी ४’को बारेमा दर्शकको प्रतिक्रिया लिन पुगेकी मिरुनालाई भिडमा एक यूवकले दुव्र्यवहार गरेका थिए । मिरुनाको शरीरमा उनले बारम्बार छोएका थिए । त्यसपछि मिरुनाले ती यूवकमाथि थप्पड हानेकी थिइन् ।

अभद्र व्यवहार भएपछि मिरुनाले प्रहरी बृत्त, जनसेवामा उजुरी समेत दिएकी छिन् । मिरुनाको उजुरीको आधारमा प्रहरीले फुर्वा लामालाई पक्राउ गरेको छ । सोमबार प्रहरीले अनुसन्धानका लागि जिल्ला प्रशासन कार्यलयबाट म्याद थप्ने तयारी समेत गरेको छ । पक्राउ परेका फुर्वाले भने भीडमा छोइएको बताएका छन् ।

शुक्रबारदेखि रिलिज भएको फिल्म ‘कबड्डी ४’ले बम्पर कारोबार गरिरहेको छ । मिरुना हरेक दिन हलमा पुगिरहेकी छिन् ।