फिल्म ‘बाबरी’ को टिजर टिकटकमा क्लिप हाल्ने बढेपछि युट्युबमा सार्वजनिक

फिल्म ‘बाबरी’को टिजर सार्वजनिक भएको छ । अदिती बुढाथोकी र धिरज मगर अभिनित त्रिकोणात्मक प्रेमकथामा आधारित यस फिल्मलाई सुरेन्द्र पौडेलको निर्देशन गरेका हुन् ।

सार्वजनिक टिजरमा धिरजले अदितीलाई फकाउँदै गरेको देख्न सकिन्छ । फिल्म धिरज नाडकरको पनि मुख्य भुमिका रहेको छ । यो फिल्म आगामी भाद्र ३१ गतेबाट नेपालभर प्रर्दशन आउने भएको छ ।

यस अघि हलमा मात्रै टिजर देखिएको थियो । हलमा टिजर हेर्ने दर्शकले टिकटकमा भिडियो क्लिप बनाएर अपलोड गर्न थाले पछि निर्माण टिमले युट्युबमा पनि रिलिज गरेको हो ।

हलमा टिजर देखिएसँगै एक सातापछि युट्युबमा टिजर ल्याउने तयारीमा रहेको फिल्म टिमले टिकटकमा टिजरको भिडियो क्लिप हाल्ने दर्शकको संख्या बढेपछि टिकटकमा हाल्नेबाट बच्न टिजर युट्युबमा सार्वजनिक गरेको हो ।

फिल्ममा बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला गुरुङ, दीलिप गुरुङ लगायतका कलाकारको पनि अभिनय रहेको छ ।

बाबरी फिल्मको प्रस्तुती र सुष्मा प्रोडक्सनको व्यानरमा निर्माण भएको फिल्मको निर्माता गणेश बुढाथोकी पुष्पालता बुढाथोकी हुन् । सुष्मा गुरुङ सह(निर्माता रहेको फिल्मको कथा निर्देशक पौडेलले नै लेखका हुन् ।

फिल्ममा काली प्रसाद बास्कोटा, सुजन चापागाई र अनमोल गरुङको संगीत र एञ्जिला खत्री र विक्रम लामाको कोरियोग्राफी रहेको छ ।

फिल्मको पटकथा तथा संवाद रित सिंह बोहोरा, सिजद दाहाल, मनोज त्रिपाठी र किशोर नेपालले मिलेर लेखेका छन् । फिल्मको काठमाडौं, झापा, मोरङ र उत्तरी सिक्किमका विभिन्न रमणीय स्थानमा छायांकन गरिएको छ । नरेन्द्र मैनालीको छायांकन रहेको फिल्मका मुख्य सहायक निर्देशक रित सिंह बोहरा हुन् ।

‘बाबरी’को टिजरमा बदलिएको धिरजको स्वर