२ दिनमै ‘कबड्डी ४’को किर्तिमानी कमाई

श्ुक्रबारदेखि रिलिज भएको फिल्म ‘कबड्डी ४’ले २ दिनमै किर्तिमानी कमाई गरेको छ । वितरकको कुरालाई मान्ने हो भने, फिल्मको व्यापार २ दिनमै ६ करोडको वरिपरी छ । यो नेपाली फिल्मको आजसम्मकै सबैभन्दा ठूलो व्यापार हो ।
फिल्मले आज आइतबार पनि बम्पर कमाई गर्ने देखिएको छ । आइतबारको बिदामा पनि अधिकांश हलहरु हाउसफूल छन् ।

काठमाडौं भित्र र बाहिरको व्यापारमा खासै फरक नभएकाले पनि फिल्मले एक सातामै १० करोड माथिको व्यापार सहजै छुने अनुमान गरिएको छ । नेपाली फिल्मले एक सातमै १० करोडको व्यापार गरेको रेकर्ड आजसम्म छैन ।

रामबाबु गुरुङ निर्देशित फिल्ममा दयाहाङ राई, सौगात मल्ल, मिरुना मगर लगायतका कलाकारको अभिनय छ । यो फिल्मको बम्पर ओपनिङले ‘छक्का पन्जा’को किर्तिमानी व्यापार संकटमा परेको छ ।