मोडल गरिमा शर्मा फिल्म ‘लण्डन टु पेरिस’मा अनुबन्धित

मोडल गरिमा शर्मा एबी इन्टरनेश्नलको ब्यानरमा निर्माण हुने फिल्म ‘लण्डन टु पेरिस’मा अनुबन्धित भएकी छन् ।

केही समयअघि नै निर्माण टिम र मोडल शर्माबीच लिखित सम्झौता भएको थियो । गरिमाको यो डेव्यु फिल्म रहेको छ ।

गरिमाका अनुसार ‘लण्डन टु पेरिस’ले आफुलाई फिल्म क्षेत्रमा दरिलो प्रवेशको रुपमा उभ्याउने आशा व्यक्त गरेकी छन् । यसअघि उनले थुप्रै म्युजिक भिडियोमा अभिनय गरिसकेकी छन् । निर्माण टिमका अनुसार फिल्ममा गरिमाको पनि महत्वपुर्ण भुमिका रहेको बताइएको छ ।

आधुनिक प्रेमकथामा निर्माण हुने फिल्ममा यसअघि नै अभिनेत्री साम्राज्ञी राज्यलक्ष्मी शाह अनुबन्धित भैसकेकी छन् । निर्माण टिमले दिएको जानकारी अनुसार फिल्मको मुख्य अभिनेता समेत फाइनल भैसकेका छन् । चाँडै एक फर्स्टलुक पोस्टर सहित अभिनेता सार्वजनिक गर्ने तयारी निर्माण टिमको रहेको छ ।

घनश्याम लामिछानेको निर्देशनमा निर्माण हुने फिल्मका केही दिन यता कान्तिपुर फिल्म एकेडेमीमा वर्कसप चलिरहेको छ । निर्देशक लामिछानेले यसअघि ‘धौली, अग्निदहन र पञ्चेबाजा’ जस्ता समिक्षकबाट निकै रुचाएका फिल्म निर्देशन गरिसकेका छन् । यस फिल्मको कथा, पटकथा तथा संवाद प्रदीप भारद्धाजले लेखेका हुन् । फिल्म आगामी असारको दोस्रो साताबाट छायांकनमा जाने निमार्ण टिमले जनाएको छ ।

अमित बस्नेत, अजित कुमार थापा, परी राना, अंकित गौतम, सनिश खकुरेल निर्माता रहेको फिल्मका सह-निर्माता अजित सिंह हुन् । एबी इन्टरनेशनलले निर्माण गरेको फिल्म ‘सम्हालिन्छ कहिले मन’ प्रदर्शनको संघारमा रहेको छ । भने यही टिमले अहिले बेलायतका विभिन्न सहरमा ‘हनी बनी’को छायांकन गरिरहेको छ ।