चलेन रणवीर सिंहको जादु, ‘जोयस भाई जोरदार’को कमजोर कमाई

बलिउड नायक रणवीर सिंहले अभिनय गरेका फिल्मले बक्स अफिसमा राम्रो कमाई गरेका छन् । उनले अभिनय गरेका केही फिल्मबाट उनले राष्ट्रिय अवार्ड समेत जितेका छन् ।

तर, शुक्रबारबाट रिलिज भएको हिन्दी फिल्म ‘जोयस भाई जोरदार’मा भने उनको स्टारडमले काम गरेन । यो फिल्मको बक्स अफिसमा निक्कै कमजोर ओपनिङ भएको छ ।

बलिउड फिल्महरुले बक्स अफिसमा निरन्तर कमजोर कमाई गरिरहेको समयमा रणवीरको यो फिल्मले पनि कुनै चमत्कार गर्न सकेन ।

यो फिल्मले शुक्रबार ३.२५ करोड, शनिबार ४ करोड र आइतबार ४.७५ करोडको व्यापार गर्यो । ३ दिनमा १२ करोडको व्यापार गरेको यो फिल्म बक्स अफिसमा असफल हुने लयमा देखिएको छ । यो फिल्मको कथावस्तुलाई दर्शकले रुचाएनन् । यहीकारण पनि फिल्मले कुनै चमत्कार गर्न नसकेको हो ।