फिल्म छायांकन कुरिरहेकी आँचल

नायिका आँचल शर्माले फिल्मको छायांकन नगरेको २ बर्ष बढी भयो । पछिल्लो फिल्म ‘झिंगे दाउ’पछि उनले फिल्मको छायांकन गरेकी छैनन् । लकडाउनको समयमा त उनलाई फिल्मबाट अफर नै आएन । आँचल आफैले पनि फिल्मको अफर नआएको स्विकार गरेकी थिइन् ।

उनै, आँचलको हातमा २ वटा फिल्म छ । मिलन चाम्सको निर्देशनमा बन्न लागेको फिल्म ‘वर एण्ड वधु’ र विकासराज आचार्यको निर्देशनमा बन्न लागेको फिल्म ‘नाई नभन्नु ल ६’ आँचलको हातमा छ । तर, दुबै फिल्मको घोषणा भएपनि यी दुई फिल्मको छायांकन सुरु हुन सकेको छैन ।

म्युजिक भिडियोको छायांकन गरेरै एक्सन र कटमा चित्त वुझाइरहेकी आँचल हिट फिल्मको खोजीमा छिन् । यसका लागि उनलाई यी दुई फिल्मले ठूलो राहत दिन सक्छन् ।
उनले साउथको भनिएको ‘हिटम्यान’ नामक फिल्ममा सानो भूमिका निर्वाहा त गरेकी छिन्, तर उनलाई नेपाली फिल्मले नै राहत दिनेछ ।

यी दुबै फिल्मको छायांकन कहिलेबाट सुरु हुन्छ पक्का छैन । बिहेपछि फिल्मको छायांकनमा रमाउन नपाएकी आँचलका लागि यी दुई फिल्मको प्रतिक्षा त छ । तर निर्देशकहरुले नै काम सुरु नगरेसम्म आँचल मात्र उत्साहित भएर पनि नहुने रहेछ ।