मल्टिप्लेक्समा ‘लक्का जवान’लाई औषत शो, ‘डक्टर स्ट्रेन्ज’ बन्यो चुनौती

नेपाली फिल्म ‘लक्का जवान’ भोलीबाट देशभरका हलमा रिलिज हुँदैछ । शिवहरि पौड्यालको डेब्यू निर्देशनमा तयार भएको यो फिल्ममा हाँस्य कलाकारहरुको ठूलो समुह छ । मदनकृष्ण श्रेष्ठ, किरण केसी, शिवहरि पौड्याल, सरोज खनाल, दिलिप रायमाझी, प्रियंका कार्की, वर्षा सिवाकोटी, सलोन बस्नेत लगायतका कलाकारले यो फिल्ममा अभिनय गरेका छन् ।

यो फिल्मको लागि मल्टिप्लेक्स हलहरुमा बुकिङ समेत सुचारु भैसकेको छ । फिल्मले मल्टिप्लेक्समा औषत शोज पाएको छ । यो फिल्मलाई आई प्लेक्स मल, नयाँ बाँनेश्वरले २ शोज दिएको छ । यस्तै, आई प्लेक्स मल, कालिमाटीमा फिल्मलाई ३ शोज मिलेको छ ।

क्यूएफक्सले देशभरका चेनमा यो फिल्मलाई जम्मा १३ शो मात्र दिएको छ । अन्य हलहरुमा पनि फिल्मको शोज औषत छ ।

यो फिल्मका लागि हलिउड फिल्म ‘डक्टर स्ट्रेन्ज’ चुनौती बनेको छ । दर्शकको प्रतिक्षामा रहेको यो फिल्मलाई मल्टिप्लेक्सहरुले उच्च शोज उपलब्ध गराएका छन् । ती शोजहरुमा बुकिङ आक्रामक देखिएको छ ।