सौगात मल्लको ‘मन्त्र’ किन बक्स अफिसमा पछारियो ?

समीक्षक र फिल्मीकर्मीले राम्रो भनेको फिल्म ‘चिसो एष्ट्रे’पछि ‘मन्त्र’ पनि बक्स अफिसमा नराम्रोसँग पछारिएको छ । शुक्रबारबाट रिलिज भएको यो फिल्मले २ दिन नै बक्स अफिसमा सुखद व्यापार गर्न सकेन । आज आइतबार बिदाको दिनमा पनि फिल्मप्रति दर्शकको आकर्षण खासै देखिएको छैन ।

खिलबहादुर गुरुङको निर्देशनमा तयार भएको यो फिल्ममा सौगात मल्ल, वुद्दि तामाङ, दिया पुनको मुख्य भूमिका छ । फिल्मले २ दिनमा कमजोर व्यापार गर्यो । मल्टिप्लेक्समा निक्कै कम शोज पाएको फिल्मले पाएको शोजमा पनि दर्शकको उल्लेख्य साथ पाउन सकेन ।

फिल्मलाई समीक्षक र पत्रकारहरुले राम्रो भनेका थिए । तर, अर्गानिक कथामा बनेको भनिएको यो फिल्म बक्स अफिसमा पछारिएपछि दर्शकले कस्तो फिल्म खोजिरहेका छन् भन्ने वुझ्न मेकरलाई अझै समस्या हुने देखिएको छ ।

मुख्यतयाः फिल्म रिलिज भएको जानकारी नै दर्शकले नपाउँदा इनिसियल रुपमा यो फिल्म कमजोर बन्यो । आजबाट यो फिल्मको शोज समेत केही घटेको छ ।