एमालेका वडा अध्यक्षका उम्मेदवारसँग प्रदीप खड्का

नायक प्रदीप खड्काले अभिनय गरेको फिल्म ‘प्रेमगीत ३’को रिलिज मिति तय भएको छैन । उनी, अभिनित अर्को फिल्म ‘प्रकाश’ भदौको १० गतेबाट रिलिज हुँदैछ । तर, प्रदीप भने सार्वजनिक कार्यक्रममा देखिएका छैनन् । २ बर्ष यता प्रदीपलाई विरलै कार्यक्रममा मात्र उनका फ्यान र मिडियाकर्मीले देख्न पाएका छन् ।

तर, प्रदीप खड्कासँग ललितपुर जिल्लाको १३ नम्बर वडाका एमालेका अध्यक्ष र सदस्य पदका उम्मेदवारले एकसाथ तस्वीर खिचाएका छन् । प्रदीपले यो तस्वीर खिचाएपछि सामाजिक संजालमा चर्चा सुरु भएको छ । कतिपयले, प्रदीप नेकपा एमालेका उम्मेदवारलाई जिताउन लागेका हुन् कि भन्ने खालको आशंका पनि व्यक्त गरेका छन् । उनले, वडा नम्बर १३ का नेकपा एमालेका अध्यक्ष र सदस्य पदका उम्मेदवारसँग तस्वीर खिचाएपछि सामाजिक संजालमा यो भाइरल भएको छ ।

प्रदीपले आजसम्म राजनीतिको बिषयमा खुलेर कुरा गरेका छैनन् । प्रदीपले अध्यक्ष र सदस्यका उम्मेदवारहरुको आग्रहमा तस्वीर खिचाएका हुन् या उनी एमालेका उम्मेदवार जिताउन लागेका हुन्, त्यो भने खुलेको छैन ।