‘लाइफ इन एलए’को ट्रेलर सार्वजनिक

फिल्म ‘लाइफ इन एलए’को ट्रेलर सार्वजनिक भएको छ।

बुधबार काठमाडौंमा एक कार्यक्रमको आयोजना गर्दै नेपाल र अमेरिकामा खिचिएको उक्त फिल्मको ट्रेलर सार्वजनिक गरिएको हो।

सूर्य एन श्रेष्ठको निर्देशनमा बनेको यो फिल्ममा बास बिस्सु, रेजण विल्लुप्स, शिल्पा मास्के, गौरव पहारी, बुद्धि तामाङ्ग, लोकेन्द्र लेखक, प्रकाश घिमिरेलगायतका कलाकारको अभिनय रहेको छ। फिल्म संसार अन्जान सुवेदीले निर्माण गरेका हुन्।

बास बिस्सुको कथा रहेको फिल्मको पटकथा तथा संवाद सूर्य प्रकाश क्षेत्रीले लेखेका छन्। उज्जवल ढकाल र भुपेन्द्र अधिकारीले सम्पादन गरेको फिल्ममा दीपक ओलीले सहनिर्देशकको भूमिका निभाएका छन्।

अमेरिकामा कृस वारेन र एडवार्ड उकेनले खिचेको फिल्मलाई नेपालमा भने बाबु श्रेष्ठले खिचेका छन्।  फिल्ममा भुपेन्द्र अधिकारी र उज्ज्वल ढकालको सम्पादन छ, भने कविराज गहतराज र सुरज श्रेष्ठको करियोग्राफी रहेको छ ।

अमेरिकाको विभिन्न शहरमा प्रदर्शन भइसकेको यो फिल्म नेपालमा आगामी जेठ ६ गतेबाट फिल्म हलमा प्रदर्शन हुनेछ। अमेरिकामा दर्शकले रुचाएको फिल्मले नेपाली दर्शकबाट पनि राम्रो साथ पाउने अपेक्षा राखेको छ ।