वर्षाको बिहे पक्का, पूजाको सुरसार छैन

फिल्म बजारमा नेपाली फिल्मकी एक नायिकाले बिहे गर्न लागेको भन्ने हल्ला गर्मीयो । फिल्म क्षेत्रकी एक नायिकाले सुटुक्क बिहे गर्न लागेको चर्चासँगै फ्यानहरुले विभिन्न अड्कलबाजी काटिरहेका छन् ।

कतिपयले नायिका पूजा शर्माले प्रेमी युद्ध बाँनियासँग सुटुक्क बिहे गर्न लागेकी हुन् कि भन्ने अड्कल समेत गरे । तर, यी अड्कलबाजी चलिहरँदा पूजा भने एक कार्यक्रममा सहभागी भैरहेकी थिइन् । पूजाले हाँस्दै भनिन्–‘मैले बिहे गर्ने नै भए कि चुपचाप गर्छु र ? सबैलाई थाहा दिएर गर्छु ।’

केही दिनदेखि नेपाली फिल्म क्षेत्रमा नायिका वर्षा सिवाकोटीले पनि बिहे गर्न लागेको खबर सार्वजनिक भैरहेको छ । वर्षाले भने आफूले बिहे गर्ने यूवक पक्का भएपनि बिहेको मिति तय नभएको बताइन् । उनले भनिन्–‘यस्तो हल्ला विना आधार कसले चलाउँछ कुन्नी ? बिहेको मिति फाइनल भएको छैन ।’

कतिपयले भने केही हप्ता अगाडि अदालती बिहे गरेकी नायिका रेखा थापाले धार्मिक परम्परा अनुसार बिहे गर्न लागेकी हुन् कि भनेर पनि अड्कल काटे ।