‘सम्झना-बिर्सना’ को ट्रेलर सार्वजनिक

पूजा शर्मा र आकाश श्रेष्ठ अभिनित फिल्म ‘सम्झना-बिर्सना’ को ट्रेलर सार्वजनिक गरिएको छ ।

सार्वजनिक ट्रेलरमा आकाश र पूजा विचको प्रेम, छुल्ठिम गुरुङको प्रवेश, सस्पेन्सलाई स्थान दिइएको छ । निमेष प्रधानको निर्देशनमा बनेको यस फिल्मलाई अद्वितीय प्रधान र रेविका प्रधानले लगानी गरेका हुन् ।

फिल्ममा पूजा र आकाशसँगै सुनिल थापा, छुल्ठिम गुरुङ, शिशिर राणालगायतको अभिनय देख्न सकिन्छ ।

फिल्मको संवाद लेखन शिशिर राणाको रहेको छ । आदित्य फिल्म्स्को प्रस्तुति रहेको ‘सम्झना-बिर्सना’ मा शिव ढकालको छायांकन र तारा थापा ‘किम्भे’को सम्पादन छ ।

फिल्म जेठ ६ गतेबाट प्रदर्शनमा आउने भएको छ ।