जब रञ्जना हलमा ‘केजीएफ २’ चल्दा चल्दै ‘ए मेरो हजुर ४’को गीत बज्यो

बिहिबार काठमाडौंको न्यूरोडमा रहेको रञ्जना सिनेप्लेक्समासाउथको हिन्दी डब फिल्म ‘केजीएफ २’ हेर्नका लागि पुगेका दर्शक फिल्ममा रमाइरहेका थिए । फिल्मको एक्सनमा रमाइरहेका दर्शक अचानक अचम्ममा परे । ‘केजीएफ २’ चल्दा चल्दै विचमै नेपाली फिल्म ‘ए मेरो हजुर ४’को गीत बज्न थाल्यो । हिन्दी फिल्म हेरिरहँदा एक्कासी पर्दामा नेपाली फिल्मको गीत आएपछि दर्शक आक्रोशित भने । हलमा उनीहरुले हुटिङ सुरु गरे ।

दर्शकको चर्को हुटिङ भएपछि सुरक्षागार्ड समेत अडिटोरियममा प्रवेश गरेका थिए । प्राविधिक कारण यस्तो हुन गएको भन्दै रञ्जना हल संचालकले दर्शकसँग माफी माग्नु परेको थियो । केही समय दर्शकसँग भनाभन भएपछि ‘केजीएफ २’ लगाइएको थियो । आखिर, यस्तो कसरी हुन गयो होला ? एउटा फिल्म चलिरहेको ठाउँमा अर्को फिल्मको गीत कसरी देखिन्छ ?

रञ्जना हल साउथकै फिल्म ‘आरआरआर’बाट संचालनमा आएको हो ।