पुनः जोडीका रुपमा देखिदै जीतु र दमन

धेरै लामो समय अघि जीतु र दमन हास्य कलाकारको जोडीका रुपमा देखिने गर्दथे । तर, जितु र दमन केही वर्ष अगाडिदेखि छुट्टाछुट्टै काम गर्न थालेका थिए । त्यतिबेला दुबै जोडी हिट मानिन्थ्यो ।

अहिले पुनः यी दुई जितु नेपालले चलाउदै आएको हास्य शो ‘मुन्द्रेको कमेडी क्लब’मा दमन रुपाखेतीलाई सँगै लिएर आउने भएका छन् ।

केही समय अगाडि ‘मुन्द्रेको कमेडी क्लब’ शो बन्द भएको थियो । त्यसलाई परिमार्जित गर्दै निर्देशक दिनेश डिसी भित्र्याएर जीतुले शो ल्याउन लागेका हुन् । उनी शो परिमार्जित गर्दै सोही नाममा कार्यक्रम गर्ने तयारीमा छन् । यसै शो को तयारी गरिरहेका जितुले अब दमनसँग सहकार्य गर्ने सोचमा रहेको बताएका छन् ।

जितुले भने, ‘उहाँ मेरो सिनियर पनि हो । साथी पनि हो । त्यसैले अब मुन्द्रेको कमेडी क्लब आउँदा उहाँसँग सहकार्य हुन्छ,’ ‘अहिले सेट डिजाइनको काम गरिरहेको छौं । ‘दमनलाई पनि शोमा समेट्ने प्रयास गर्दैछु’ उनले भने, ‘पहिले टीभी र एजेन्सी फिक्स गरौ अनि फाइनल भएपछि कलाकार सार्वजनिक गर्छु ।’

शो छिट्टै आउने जीतुले जानकारी दिएका छन् ।