आजबाट ‘मैले आइ लभ यु भन्नै सकिनँ’ प्रदर्शनमा

प्रेमकथामा बनेको फिल्म ‘मैले आइ लभ यु भन्नै सकिनँ’ आज शुक्रबारबाट प्रदर्शनमा आएको छ । फिल्मले देशभरका हल भने पाएको छैन । अघिल्ला साता प्रदर्शनमा आएको आरआरआर लगायत केही विदेशी फिल्मले अझै धेरै फिल्म हल ओगटेका छन् ।

यो फिल्ममा बुद्धि तामाङ,राजाराम पौडेल,जयनन्द लामा,सुरवीर पण्डित,अञ्जली अधिकारीका साथमा सुजन नेपाली, सुवास नेपाली, अनिषा सुनार, सुनील भुसाल, सुरज कार्की, लक्ष्मी भट्ट, दावा लामा, कविता पुरी, निरुता तामाङ, शितल खड्का, श्रुति मगर, सरस्वती तामाङ, इच्छा तामाङ, अर्जिता थापालगायतका कलाकारले अभिनय गरेका छन् ।

शंकर कार्कीको कथा र कार्यकारी निर्माण रहेको फिल्मको निर्मातामा प्रेम श्रेष्ठ, सहनिर्मातामा भक्तबहादुर नेपाली र मेशरबहादुर नेपाली छन् । तारा शंकर फिल्मस्को ब्यानरमा निर्मित फिल्ममा कबिराज गहतराजको कोरियोग्राफी रहेको छ ।

वीर मास्टरको द्धन्द्ध निर्देशन रहेको फिल्म आशिष जिम्बा र सुशील डाँगीले खिचेका हुन् । जसमा तारा थापा ‘किम्भे’ को सम्पादन छ ।