साइकोलोजिक थ्रिलर ‘षट्कोण’को टिजर सार्वजनिक

कर्मा र भोला राज सापकोटा अभिनित फिल्म षट्कोणको टिजर सार्वजनिक गरिएको छ । साइकोलोजिक थ्रिलर जनरामा निर्माण भएको फिल्मको टिजरले दर्शकमा कौतुहलता जगाउन सफल हुने देखिन्छ ।

सार्वजनिक टिजरमा कर्मा एक मर्डर मिस्ट्रीको खोजीमा लागेको पत्रकारको भुमिकामा दखिएका छन् । फिल्मलाई मिलन डि काप्रिले निर्देशक गरेका हुन् । यो उनको डेव्यु निर्देशन रहेको फिल्म हो । सार्वजनिक टिजरबाट उनले निर्देशनमा राम्रो सम्भावना देखाएका छन् ।

क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्म आगामी वैशाख २३ गतेबाट देशभर प्रदर्शन हुँदैछ। कोरोना महामारी अगाडी नै निर्माण भएको फिल्मको सम्पुर्ण काम सकेर प्रदर्शनको पालो कुरेर बसेकाले अहिले समय उत्तम लागेकाले रिलिजको लागि तयार भएको निर्माण टिमको भनाई छ ।

फिल्ममा कर्मा र भोलाराज सापकोटाका अलवा लोकेन्द्र लेखक, सुयशा अधिकारी, विराज कडरिया, शिशिर लिम्बु वानेमको अभिनय रहेको छ । शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन् ।

फिल्ममा आङ्छेन लामाको छायांकन, सागर खनाल र निर्देशक मिलन डि काप्रिको सम्पादन छ । क्लेमेन्टाइन प्रोडक्सनको युट्युब च्यानलबाट टिजर रिलिज गरिएको फिल्मलाई वितरण जिम्मा आरआर फिल्मस्ले लिएको छ ।