शुक्रबारदेखि फेरि हलमा फर्कियो ‘म यस्तो गीत गाउँछु २’

हलबाट उत्रिएको २ सातापछि नेपाली फिल्म ‘म यस्तो गीत गाउँछु २’ भोलीबाट पुनः रिलिज हुने भएको छ । क्यूएफएक्स चेन अन्र्तगतको नेपालगञ्जमा फिल्म प्रदर्शन हुन लागेको हो । फिल्मलाई २ शो दिइएको छ ।

सुदर्शन थापा निर्देशित फिल्म फागुणको १३ गतेबाट रिलिज भएको थियो । फिल्मले २ साता बक्स अफिसमा उछाल ल्याएको थियो । चैत्र ११ गतेबाट फिल्म ‘आरआरआर’ रिलिज भएपछि भने यो फिल्म हलबाट उत्रिएको थियो ।

तर, तेश्रो सातामा ‘आरआरआर’को क्रेज कम हुँदै गएपछि यो फिल्मलाई नेपालगञ्जमा रिलिज गर्न लागिएको हो । फिल्मले नेपालगञ्जको हलमा आक्रामक व्यापार गरिरहेको थियो ।

पूजा शर्मा, पल शाह, हरिहर शर्मा, दीनेश डीसी अभिनित यो फिल्म यो बर्षको एक मात्र हिट फिल्म हो ।