सलोन बस्नेतः एक्लै नचल्ने, भीडमा नभई नहुने

‘होस्टेल’बाट नेपाली फिल्म क्षेत्रमा नायकको रुपमा उदाएका सलोन बस्नेत नयाँ नयाँ फिल्ममा अनुवन्धित भैरहेका छन् । सलोन बस्नेत वैशाख १ गतेबाट रिलिज हुन लागेको फिल्म ‘ए मेरो हजुर ४’मा नायक अनमोल केसीसँगै देखिदैछन् ।

सलोन बस्नेत सोलो नायकको रुपमा चलेका छैनन् । उनी, अभिनित फिल्म ‘डाँडाको वर पीपल’ बक्स अफिसमा नराम्रोसँग चिप्लियो । तर, यो फिल्म नचलेर सलोनलाई केही फरक परेको छैन । किनकी, उनको हातमा फिल्मको अभाव नै छैन ।

सलोनले केही हप्ता अगाडि मात्र दिवाकर भट्टराइको निर्देशनमा बन्न लागेको फिल्म ‘हनी बनी’ साइन गरे ।

उनै, सलोन नायिका नीता ढुंगानाको मुख्य भूमिका रहने तथा चन्द्र पन्तको निर्देशनमा बन्ने फिल्म ‘ह्रस्व दिर्घ’मा पनि अनुवन्धित भएका छन् । फिल्म भित्रको नायकको साथीको रुपमा जमेका सलोन सोलो फिल्म चलाउन भने सक्दैनन् । तर, फिल्ममा उनी भएको खण्डमा मुख्य नायक समेत छायाँमा पर्छन् ।