पल भजाउँदै संगीतकर्मी

पबन भट्टराई/मेरो फिल्म

हिजो आज नेपाली संगीत क्षेत्रमा राम्रो काम देखाएरभन्दा पनि स्क्यान्डल गरेर चर्चा कमाउने प्रवृत्ति बढ्दो छ । यसका लागि संगीतकर्मी सकभर आफैँ स्क्यान्डल गर्ने नभए अरुले गरेको स्क्यान्डलमा आफ्नो हात सेक्न चाहान्छन् ।

हालसालै सामाजिक सञ्जाल युट्युबमा केही यस्ता गीत अपलोड गरिएका छन् जुन अरुको चर्चाबाट लाभ उठाउने उद्देश्यले आएका छन् । त्यो पनि खासगरि,पल शाहसँग जोडिएका ।
पछिल्लो समय पल शाह अभीनित जे जति गीत आएका छन् तिनमा अहिलेको चर्चाबाट फाइदा लिने आसय स्पष्ट देख्न सकिन्छ ।

नायक पल शाह नाबालिग बलात्कारको अभियोगमा यतिबेला पुर्पक्षका लागि कारागारमा छन् । तर यहाँ पलले धेरै समय अगाडि अभिनय गरेका भिडियो भने दिन दिनै आउन थालेका छन् । यति मात्र होइन, यस्ता गीतका सर्जकले भिडियो पलप्रति समर्पित भन्दै इमोसनल ब्ल्याकमेल गर्न पनि पछि परेका छन् । पलले अभिनय गरेको दुई महिनाभन्दा बढी समय हुँदासम्म भिडियो नहाल्नेले हिजो आज चै दिनहुँ भिडियो हाल्न थालेका छन् । यसले उनका समर्थकलाई पनि भ्याइनभ्याइ हुन थालेको छ ।

हुन त यसअघि पल प्रहरी समक्ष पुग्ना साथ उनै पल अभीनित फिल्म कि नायिका पूजा शर्माले पनि आफ्नो फिल्म चलाउन पलकै सहारा लिएको आरोप छ । उनले फिल्म चलुनजेल पल पल भन्दै दर्शकलाई पल लिएर आउँछु भन्दै कराइन् तर त्यो फन्डाबाहेक केही नभएको स्पष्ट भइसकेको छ ।

उता पलले पनि बहकिएर दर्शकसँग बसेर फिल्म हेर्ने आफ्नो इच्छा भएको बताएका थिए । यसले फिल्मको व्यापारलाई राम्रै फाइदा गराएको थियो । अहिले म्युजिक भिडियो रिलि जगर्दै संगीतकर्मीले सोही फर्मुला लगाउन खोजिरहेका छन् ।