कमेडीमा काम विहिन भएका हिमेशलाई फिल्मबाट राहत

‘कमेडी च्याम्पियन सिजन १’का विजेता हिमेश पन्तले आफूले काम नपाएको बारम्बार बताउँदै आएका छन् । हिमेशले देशकै ठूलो कमेडी रियालिटी शोको उपाधि जितेपनि अपेक्षा गरे अनुसार आफूलाई व्यस्त राख्न सकेनन् । उनी, आफै पनि काम नपाएको स्विकार गर्दै आएका छन् ।

कमेडीबाट खासै राहत नभएपनि उनलाई फिल्मले भने राहत दिएको छ । हिमेश मिलन चाम्सको निर्देशनमा तयार हुन लागेको फिल्म ‘वर एण्ड वधु’मा अनुवन्धित भएका छन् । मिलनले केही दिन अगाडि मात्र हिमेशलाई अनुवन्धित गरेका हुन् । फिल्ममा उनको भूमिका कस्तो हुनेछ भनेर खुलाइएको छैन ।

उनै, हिमेशले मनिष राउत र गौरव पहारीको मुख्य भूमिका रहेको फिल्म ‘शमशेर’ पनि साइन गरेका छन् । फिल्ममा उनको भूमिका पनि खुलाइएको छैन । २ वटा फिल्ममा अनुवन्धित भएपछि हिमेश केही महिना व्यस्त हुनेछन् । दुबै फिल्म भित्र उनी कमेडी भूमिकामा देखिनेछन् या अरु नै भन्ने खुलाइएको छैन । तर, हिमेशलाई भने २ फिल्मले ठूलो राहत दिएका छन् ।