फिल्म ‘षट्कोण’को प्रदर्शन मिति घोषणा

साइकोलोजिकल थ्रिलर फिल्म ‘षट्कोण’को प्रदर्शन मिति घोषणा ।

फिल्मका मुख्य अभिनेता कर्मालाई पोस्टरमा प्रस्तुत गर्दे आगामी बैशाख २३ गतेबाट देशभर प्रदर्शनमा आउने जानकारी दिएको हो ।

क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्मका निर्देशक मिलन डि काप्री हुन् । उनले यो फिल्मबाट निर्देशनमा डेव्यु गर्दैछन् । कोरोना महामारी अगाडी नै निर्माण भएको फिल्मको सम्पुर्ण काम सकेर फिल्मको प्रदर्शन मिति घोषणा गरिएको निर्देशक काप्रीले बताएका छन् ।

फिल्ममा कर्माका अलवा भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेमको अभिनय रहेको छ । शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन् ।

फिल्ममा आङ्छेन लामाको छायांकन, सागर खनाल र निर्देशक काप्रिको सम्पादन रहेको छ । यो फिल्मलाई वितरणको जिम्मा आरआर फिल्मस्ले लिएको छ ।