अन्ततः ‘कमेडी क्लब विथ च्याम्पियन’ले दुर्गेश थापाविरुद्धको मजाक भिडियो हटायो

अन्ततः ‘कमेडी क्लब विथ च्याम्पियन’ले दुर्गेश थापाको विषयमा मजाक बनाइएको कार्यक्रमको प्रोमो युट्युबबाट हटाएको छ ।

नेपाल टेलिभिजनबाट प्रशारण हुने हाँस्य रियालिटी शो ‘कमेडी क्लब विथ च्याम्पियन’ विरुद्ध दुर्गेशले उजुरी दर्ता गर्ने तयारी भनेर मेरो फिल्ममा समचार प्रकाशित भएसँगै अहिले भिडियो हटाईएको हो । आइतबार यो शोको दोश्रो ट्रेलर सार्वजनिक भएको थियो । ट्रेलरमा दुर्गेशको मजाक बनाइएको देख्न सकिन्छ ।

हटाएको शोको प्रोमोमा दुर्गेशको मजाक गर्दै भनिएको छ, ‘उहाँ चै, गाली खान पचाउन सिकाउने गुरु । उहाँले जस्तो गाली पचाउन कसले सक्छ र बा बा..। उहाँ फेरि मेरो गुरु मात्र हो । साथी होइन । साथी हानिकारक हुन्छ ।’

यो शो मा विशेषगरि, मित्रताको बिषयमा दुर्गेशको मजाक बनाइएपछि उनले उजुरी हाल्ने तयारी गरेको हामीसँग बताएका थिए ।

उसो त, दुर्गेशले यो बिषयमा आपत्ती जनाएपछि निर्माण टिमले दृश्य हटाएको हो । तर, पुरा शो प्रशारण भएपछि दृश्य हट्छ या हट्दैन भन्ने थाहा हुनेछ ।