‘कमेडी क्लब विथ च्याम्पियन’विरुद्ध उजुरी हाल्दै दुर्गेश

गायक दुर्गेश थापाले नेपाल टेलिभिजनबाट प्रशारण हुने हाँस्य रियालिटी शो ‘कमेडी क्लब विथ च्याम्पियन’ विरुद्ध उजुरी दर्ता गर्ने तयारी गरेका छन् । यो शोको दोश्रो ट्रेलर आइतबार सार्वजनिक भएको थियो । ट्रेलरमा दुर्गेशको मजाक बनाइएको छ ।

विशेषगरि, मित्रताको बिषयमा आफ्नो मजाक बनाइएपछि उजुरी हाल्ने तयारी गरेको दुर्गेशले जानकारी दिए । उनले भने–‘अदालतमा मुद्दा चलिरहेको केशको बिषयमा फैसला नै नआई कमेडीको नाममा जे पनि भन्न पाइन्छ । म वकिलसँग सल्लाहा गर्दैछु । वकिलले दिने सल्लाहा अनुसार अगाडि बढ्छु ।’

उसो त, दुर्गेशले यो बिषयमा आपत्ती जनाएपछि निर्माण टिमले दृश्य हटाउने वाचा गरेको छ । तर, अब पुरा शो प्रशारण भएपनि दृश्य हट्छ या हट्दैन भन्ने थाहा हुनेछ ।

आज बेलुकी प्रशारण हुने शोको प्रोमोमा दुर्गेशको मजाक गर्दै भनिएको छ–‘उहाँ चै, गाली खान पचाउन सिकाउने गुरु । उहाँले जस्तो गाली पचाउन कसले सक्छ र गुरु । उहाँ फेरि मेरो गुरु मात्र हो । साथी होइन । साथी हानिकारक हुन्छ ।’
दुर्गेश अब यो बिषयमा कसरी अगाडि बढ्छन्, मेरो फिल्ममा हामी तपाइलाई जानकारी गराउनेछौं ।