‘केजीएफ २’को ट्रेलर रिलिज, यशको दमदार भूमिका

विश्व बजारमा साउथ फिल्मले तहल्का मच्चाइरहेका छन् । ‘पुष्पा’पछि ‘आरआरआर’को बम्पर ओपनिङ विश्व बजारमा देखियो । अब, अर्को प्रतिक्षित फिल्म ‘केजीएफ २’ले पनि बक्स अफिसमा बम्पर व्यापार गर्ने अपेक्षा गरिएको छ ।

आइतबार सार्वजनिक भएको फिल्मको ट्रेलरले पनि यो कुराको संकेत गर्दछ । फिल्मको ट्रेलरमा साउथका रकिङ स्टार यशको दमदार भूमिका छ । उनीसँगै फिल्ममा बलिउड नायक संजय दत्त, नायिका रविना टण्डनको मुख्य भूमिका हेर्न सकिन्छ ।

फिल्मको पहिलो सिरिज बम्पर हिट भएको थियो । दोश्रो सिरिजमा पनि सुन, कोइलाका लागि लडाई देखाइएको छ । यसपटक फिल्मको निर्माण ठूलो क्यानभासमा गरिएको प्रष्ट हुन्छ । यसपटक राजनीतिक नेता र सुनको खतरनाक व्यापारीविचको लडाई फिल्ममा देखाइएको अड्कल काट्न सकिन्छ । फिल्म अप्रिल १४ बाट विश्व बजारमा रिलिज हुँदैछ ।