५६ बर्षीय साहरुखको तस्वीरले तरंग

बलिउड नायक साहरुख खान फिल्म ‘पठान’को छायांकनमा व्यस्त छन् । उनै, साहरुखले स्पेनमा फिल्मको छायांकन भैरहँदा एउटा तस्वीर शनिबार सामाजिक संजालमा पोष्ट गरे । उनले सामाजिक संजालमा पोष्ट गरेको तस्वीरले तरंग नै पैदा गरेको छ ।

५६ बर्षका यी सुपरस्टारले सर्टलेस तस्वीर पोष्ट गरेका हुन् । जहाँ, उनको एप्स देख्न सकिन्छ । साहरुखले तस्वीर पोष्ट गर्दै लेखेका छन्–‘साहरुखलाई त थोरै रोक्न सक्नुहोला । तर, पठानको हावालाई कसरी रोक्नुहुन्छ ?’

साहरुखले सार्वजनिक गरेको यो तस्वीरमा हजारौ लाइक र प्रतिक्रिया आएको छ । साहरुख ४ बर्षपछि ठूलो पर्दामा फर्किने तयारीमा छन् । उनले अभिनय गरेको फिल्म ‘पठान’ आउँदो वर्षको जनवरी २५ बाट रिलिज हुँदैछ ।

यो फिल्मका लागि उनले गरेको परिवर्तन र मिहिनेतले दर्शकमा कौतुहलता पैदा गरिरहेको छ ।