नरहरि प्रेमीको ‘तिमीलाई नै सम्झिरहन्छु’ सार्वजनिक

नरहरि प्रेमी र प्रज्ञा अधिकारीको स्वर रहेको ‘तिमीलाई नै सम्झिरहन्छु’ सार्वजनिक भएको छ ।

नरहरि प्रेमीको संगीत अनि पुष्पा पौडेलको शव्दमा तयार पारिएको गीतमा प्रज्ञाले नरहरिसँग युगल गायन गरेकी छिन् ।

गीतमा संगीत संयोजन सञ्जय हमाल तथा मिक्सिङ र मास्टरिङ मनोज परियारले गरेका छन् ।

संगीतका सबैखाले विधामा उत्तिकै सिपालु गायक तथा संगीतकार प्रेमीले यस गीतमा पृथकता दिने प्रयास गरेका छन् । यस गीतमा लोकशैलीको भाकाले नयाँपन थपिदिएको छ । लोकशैलीको भाकालाई संगीत तथा प्रस्तुतिकरणका साथै वाद्यवादनको संयोजनले केहि नयाँपन थपेको महसुस गर्न सकिन्छ ।

किर्तिपुर र फर्पिङको विभिन्न स्थानमा छायाँकन गरिएको भिडियोतर्फ श्रृङ्गार अनिता ग्वाचाको , छायाँकन बुद्घ थापाको , सम्पादन तथा निर्देशन राज कुमारको रहेको छ भने अभिनयमा स्वयम गायक संगीतकार नरहरि प्रेमी तथा गायिका प्रज्ञा अधिकारी तथा सुरविर पन्डित (दारी बा) रहेका छन् ।

सुर संगीत रेकर्डिङ स्टुडियोमा रेकर्ड गरिएको उक्त गीतलाई नरहरि प्रेमी युट्युबमार्फत् सार्वजनिक गरिएको छ ।