‘शमशेर’मा गौरव अनुवन्धित

फिल्म ‘शमशेर’को नयाँ पोष्टर सार्वजनिक गर्दै नायक गौरव पहारी अनुवन्धित भएको जानकारी निर्माणपक्षले दिएको छ । फिल्मको पोष्टरमा गौरव एक्सन अवतारमा देखिएका छन् । फिल्ममा उनले ‘रागव’ पात्रको भूमिकामा काम गर्न लागेका हुन् ।

यो फिल्मको मुख्य भूमिकामा कलाकार मनिष राउत फाइनल भैसकेका छन् । यो फिल्मलाई एभरेष्ट फिल्म एकेडेमी र डी आर डेनिमको सहकार्यमा निर्माण गरिनेछ । सीबड्र्स इन्टरटेन्मेन्टको ब्यानर रहेको फिल्मको लागि मुख्य नायिका भने चयन गरिएको छैन ।

फिल्मको छायांकन काठमाडौं, दुबई, सोलुखुम्बु, ढोरपाटन लगायतका स्थानमा गरिनेछ । फिल्ममा सुमन थापा, सबिन शाक्य, रुपेश कार्की, रुपेश लामा, आशिष पराजुली लगायतको अभिनय रहनेछ ।