आजबाट रिलिज भयो ‘चिसो एष्ट्रे’, तर मल्टिप्लेक्समा उपेक्षा

दिन्स पाल्पालीको निर्देशनमा तयार भएको चलचित्र ‘चिसो एष्ट्रे’ आजबाट रिलिज भएको छ । गाउँबाट शहर पसेको एक यूवाको कथा यो चलचित्रमा प्रस्तुत गरिएको छ । यो चलचित्रलाई मल्टिप्लेक्सले भने कम शो दिएका छन् । बलिउडका दुई ठूला चलचित्र रिलिज भएकाले पनि यो चलचित्र चेपुवामा परेको छ ।

प्रिमियरमा मिश्रित प्रतिक्रिया पाएको यो चलचित्रमा दिव्य देव, श्रृष्टी श्रेष्ठ, निकुन श्रेष्ठ लगायतका कलाकारको मुख्य भूमिका छ ।

चलचित्रले आफ्नो लगानी उठाउन इनिसियल व्यापार गर्नुपर्ने हुन्छ । तर, चलचित्रको सुरुवाती अवस्था भने कमजोर देखिएको छ । प्राविधिक रुपमा बलियो बनेको चलचित्रले दर्शकसँग आफूलाई जोड्न सक्नेमा भने शंका व्यक्त गर्न सकिन्छ ।