रानीको ‘नपार दोधारमा’मा पुष्प र गीताको रोमान्टिक केमेष्ट्री

अमेरिकामा रहेर निरन्तर गीतसंगीतमा सक्रिय छिन् गायिका रानी शाक्य । रानीले सार्वजनिक गरेका दर्जनौ गीतले दर्शकको माया पाइसकेका छन् । उनै, रानीको स्वरमा समावेश नयाँ गीत ‘नपार दोधारमा’ सार्वजनिक भएको छ । रानी र रोशन बलुवाको स्वर रहेको यो गीतमा विक्रम केसीको शब्द र रोशनकै संगीत छ ।

गीतको भिडियोमा नायक पुष्प खड्का र मोडल गीता ढुंगानालाई रोमान्टिक रुपमा अभिनय गरेका छन् । मदन खड्काको कोरियोग्राफी तथा निर्देशनमा तयार भएको यो भिडियोमा विरेन्द्र भट्टको छायांकन, विकास ज्ञवालीको सम्पादन छ ।

भिडियोमा पुष्पले गीतालाई फकाइरहेको देख्न सकिन्छ भने गीताले आफूलाई कसरी रोज्यौं भनेर प्रश्न गरेकी छिन् ।