‘आरआर’ क्रेजले ‘हेल्लो जिन्दगी’ एक साता पोष्टपोन्ड

चैत्रको ११ गतेबाट रिलिज हुने भनिएको नेपाली फिल्म ‘हेल्लो जिन्दगी’को प्रदर्शन मिति एक साता पछि सरेको छ । यही मितिमा साउथको प्रतिक्षित फिल्म ‘आरआरआर’ प्रदर्शन हुने भएपछि यो फिल्म एक साता पछि सरेको हो ।

अब, एभरेष्ट सूर्य बोहरा निर्देशित फिल्म ‘हेल्लो जिन्दगी’ चैत्रको १८ गतेबाट प्रदर्शन हुने भएको छ । यो मितिमा कुनै विदेशी र नेपाली फिल्म नभएकाले अब यो मितिबाट पछि नसर्ने निर्देशक बोहराले जानकारी दिए ।

यो फिल्ममा विक्रम डी जोशी, दीपिका प्रसाँई, प्रियंका कार्की, विल्सन विक्रम राई, विक्रान्त बस्नेत, एभरेष्ट सूर्य बोहरा लगायतका कलाकारको अभिनय छ ।

सत्य घटनामा आधारित भनिएको फिल्मलाई विक्रम डी जोशी र हिराल जोशीले निर्माण गरेका हुन् ।