साहरुखको फोटो लिक भएपछि हंगामा

बलिउड नायक साहरुख खान नयाँ फिल्म ‘पठान’को छायांकनमा व्यस्त छन् । यो फिल्मको छायांकन स्पेनमा भैरहेको छ । तर, स्पेनमा छायांकन सुरु भए लगतै फिल्मका केही दृश्यहरु सार्वजनिक हुन थालेका छन् ।

हालैमात्र, छायांकन सेटबाट नायक साहरुख खानको एउटा तस्वीर लिक भएको छ । जसमा, साहरुख खान सर्टलेस देखिएका छन् ।

सार्वजनिक तस्वीरमा साहरुखको प्याक्स देख्न सकिन्छ । लामो कपाल र सुगठित शरीर सहित देखिएका साहरुखको लुक्सले फ्यान र दर्शकमाझ भने नयाँ तरंग ल्याइदिएको छ । ५६ बर्षका बलिउड स्टारको यो मिहिनेतलाई सामाजिक संजालमा खुलेरै प्रशंसा गरिएको छ ।

तर, फिल्मको निर्माण कम्पनी यशराज ब्यानरले भने सामाजिक संजालबाट तस्वीर हटाउन फ्यानहरुलाई आग्रह गरेको छ ।

सन् २०२३ को जनवरी २५ तारिखबाट विश्वव्यापी प्रदर्शनमा आउन लागेको यो फिल्ममा साहरुख खान, दीपिका पादुकोण र जोन अब्राहिमको मुख्य भूमिका छ । ४ बर्षपछि नायक खान ठूलो पर्दामा देखिदैछन् ।