राजसँग ब्रेकअपपछि अमेरिका पुगिन् वर्षा

माओवादी केन्द्रका अध्यक्ष प्रचण्ड तनाव भुल्न सुकुटे विच पुग्ने गर्छन् । तर, नेपाली चलचित्रका केही कलाकार यस्ता छन्, जो तनाव भुल्न र खुशी साट्न अमेरिका पुग्छन् । नपत्याए नायिका वर्षा सिवाकोटीलाई नै हेरौ ।

नायिका सिवाकोटी केही दिन अगाडि अमेरिका उडिन् । उनी अमेरिका किन पुगेकी हुन्, त्यस्तो खास कारण छैन । उनी, अमेरिकामा फ्रेस हुन पुगेको उनको तस्वीर र भिडियोबाट वुझिन्छ । किनकी, वर्षाको कुनै त्यस्तो कार्यक्रम अमेरिकामा आयोजना गरिएको छैन ।

एक बर्ष अगाडि वर्षा अमेरिका पुग्दा उनको प्रेम चर्चा भएको थियो । गतबर्षको दशैं लगतै उनी अमेरिका प्रेमी भेट्न पुगेकी थिइन् । प्रेमीसँग एक महिना समय बिताएर नेपाल फर्किए लगतै उनको ब्रेकअपको खबर सार्वजनिक भयो ।
ठ्याक्कै एक बर्ष अगाडिको होली पर्वमा उनको प्रेम चर्चा अभिनेता राज कटुवालसँग सुरु भयो । राज र वर्षाको प्रेम एक बर्ष त राम्रैसँग चल्यो । तर, अहिले दुबै जना अलग भएको चर्चा छ ।

वर्षा अमेरिका कतै राजसँगको ब्रेकअपको पीडा विर्सन पुगेकी त होइनन् भनेर प्रश्न उठ्छ । यो प्रश्नको जवाफ वर्षाले नेपाल आएपछि पक्कै दिनेछिन् । तर, वर्षा अमेरिकामा मस्ती मुडमा छिन् ।