सराना श्रेष्ठको ‘मन्त्र मोहनी’मा महजोडी जादुगरको भूमिकामा

गायिका सराना श्रेष्ठको आवाजमा रहेको ‘मन्तर मोहनी’ बोलको गीत सार्वजनिक भएको छ।

सार्वजनिक गीतमा कालीप्रसाद बास्कोटाको शब्द र संगीत रहेको छ भने रिकेश गुरुङ्गले यसलाई एरेन्ज गरेका छन्। सरनाकै कन्सेप्ट र निर्देशनमा तयार भएको गीतको भिडियोमा तीन पुस्ताका कलाकारलाई एउटै भिडियो प्रस्तुत गरिएको छ।

गीतको भिडियोमा महजोडी अर्थात् मदनकृष्ण र हरिवंश आचार्यको फरक अवतार देख्न सकिन्छ। उनीहरु गीतको भिडियोमा जादुगरको भूमिकामा देखिएका छन्। भिडियोमा सरानाका साथै पुष्प खड्का र साम्राज्ञी क्षेत्रीको अभिनयसमेत देख्न सकिन्छ।

साम्राज्ञी कलाकार सन्दिप क्षेत्रिकी छोरी हुन्। विक्रम स्वारको कोरियोग्राफी रहेको भिडियोलाई हरि हुमागाईले खिचेका छन्।

सरानाकै कन्सेप्ट र निर्देशनमा तयार भएको भिडियोमा गोपालकृष्ण महर्जन र सरानाको लगानी रहेको छ।

भिडियो ओएसआर डिजिटल युट्युब च्यानलमार्फत गीतको भिडियो सार्वजनिक गरिएको छ।