‘के को शान’ भन्दै आइन् प्रीति

गायिका प्रीति कौरको नयाँ गीत ‘के को शान’ श्रोता तथा दर्शकमाझ ल्याएकी छिन् । आइतबार एक कार्यक्रमबीच गायिका कौरले गीतसँगै म्युजिक भिडियो सार्वजनिक गरेकी छन् ।

‘के को शान’मा शब्द र कम्पोजिसन गायिका प्रीति कौर आफैंले गरेकी छिन् । गीतको मिक्सिङ विशेष पाण्डेले गरेका हुन् भने निर्मातामा पवन टाक्की कार्की छन् ।

भिडियोमा गायिका कौर र शिशिर शिवाकोटीको अभिनय रहेको छ ।

मिडिया पोर्ट प्रस्तुतकर्ता रहेको भिडियोमा अभिषेक सुवेदीको निर्देशन, चेतनराज भण्डारीको छायांकन र अर्जुन कार्कीको सम्पादन छ ।

कार्यक्रममा गायिका कौरले ‘के को शान’सहित केही गीत प्रस्तुत गरिन् । लामो समयपछि स्टेजमा उक्लन पाउँदा खुसी लागेको बताइन् । ‘करिब ६–७ वर्षपछि स्टेजमा ब्याक भएको छु, खुसीसँगै उत्साहित पनि छु । साथै यहाँहरुको साथ र सहयोगको अपेक्षा पनि राखेका छु,’ गायिका कौरले भनिन् ।