चार वर्षपछि शाहरुखको कमब्याक

बलिउड स्टार शाहरुख खानको कमब्याक फिल्म ‘पठान’ को प्रदर्शन मिति घोषणा गरिएको छ । फिल्म ‘पठान’ मार्फत खान चार वर्षपछि पुनः फिल्म क्षेत्रमा कमब्याक हुदैछन् ।

सिद्धार्थ आनन्दको निर्देशन रहेको पठानमा शाहरुखसहित दीपिका पादुकोण र जोन अब्रहाम मुख्य भूमिकामा रहेका छन् । शाहरुख अन्तिमपटक आनन्द एल रोयको निर्देशनमा बनेको ‘जिरो’मार्फत ठुलो पर्दामा देखिएका थिए । सन् २०१८ मा प्रदर्शन भएको यो फिल्मले बक्स अफिसमा निकै खराब प्रदर्शन गरेको थियो ।

निर्माण टिमले तीनै अभिनेताहरूबाट देशको बारेमा भनिएका संवादलाई समेटेर १ मिनेट लामो टिजर सार्वजनिक गर्दै प्रदर्शन मिति घोषणा गरेको हो ।

यो फिल्म २०२२ को जनवरी २५ तारिखमा प्रदर्शन हुनेछ । फिल्म हिन्दी, तमिल र तेलुगु गरि तीन भाषामा प्रदर्शन हुने छ।

यस एक्सन–थ्रिलर फिल्ममा शाहरुख जासुसको भूमिकामा छन् ।