आजबाट अल नेपाल ‘म यस्तो गीत गाउँछु–२’

महामारीका कारण लगाइएको कारण पटक–पटक प्रदर्शन सरेको फिल्म म यस्तो गीत गाउँछु २ अन्ततः आज शुक्रबारदेखि अल नेपाल प्रदर्शन भएको छ।

पल शाह र पूजा शर्मा मुख्य भूमिका रहेको रहेको फिल्म ‘म यस्तो गीत गाउँछु–२ आजबाट अल नेपाल प्रदर्शन भएको हो ।

सुदर्शन थापाको निर्देशन रहेको फिल्म कोरोना संक्रमण सुरु हुनुपूर्व नै निर्माण सम्पन्न भएको थियो । फिल्महल खुलेपछि निर्माण सकिएको दुई वर्षपछि फिल्म प्रदर्शन भएको हो ।

फिल्मका मुख्य कलाकार पल शाह भने अहिले एक गायिकाले तनहुँ प्रहरी कार्यालयमा जबरजस्ती करणीको जाहेरी दिएपछि कानुनी झमेलामा छन् । गायिकाले पलविरुद्ध प्रहरीमा उजुरी दिएपछि उनी फिल्मको प्रचारमा हिँड्न सकेका छैनन् । यसको प्रभाव हलमा कस्तो पर्छ भन्नेमा धेरैको चासो छ ।

पल विवादमा परेका कारण फिल्मलाई पर्न सक्ने प्रभावलाई हेरेर निर्माता निर्देशक थापाले फेसबुकमा स्ट्याटस लेखेका छन्– ‘जनता नै भगवान् हुन्।’

सुदर्शन थापाद्वारा निर्देशित फिल्ममा पल शाह, पूजा शर्मा, हरिहर शर्मा, दिनेश डीसी, राजा राजेन्द्र पोखरेल, सोनिका रोकाया, गणेश गिरीलगायतका कलाकारले अभिनय गरेका छन्। सुदर्शन थापा प्रोडक्सनको प्रस्तुतिमा निर्देशक थापा र नायिका पूजा शर्माद्वारा निर्मित फिल्ममा निर्देशक सुदर्शन थापाको कथा, शिवम् अधिकारी र दिनेश न्यौपानेको पटकथा, अर्जुन पोखरेलको संगीत, रामजी लामिछानेको कोरियोग्राफी, सौरभ लामाको छायांकन तथा बनिष शाह र मिलन श्रेष्ठको सम्पादन रहेको छ।