पुष्पको छटपटी ‘तिम्रै हुन पाउँ’मा

देवी घर्तीमगर र ध्रुव बिस्कोको स्वरमा ‘तिम्रै हुन पाउँ’ बोलको गीत सार्वजनिक गरिएको छ । वियोगान्त गीतको भिडियोमा पुष्प खड्का र मनिषा थापाको अभिनय छ ।

गीतको भिडियोमा गायक बिस्कोकै कथा, पटकथा र निर्देशन छ । भिडियोमा पुष्प र मनिषासँगै कलाकारहरू दिनेश डिसी, रश्मी भट्ट, जेरी भण्डारी र वर्षा भण्डाराको अभिनय छ ।

पत्नी वियोगमा परेका पतिको अवस्थालाई भिडियोमा देखाइएको छ । ज्ञानेन्द्र हुँमागाईंको छायांकन रहेको भिडियोलाई डिन्सन शाहले सम्पादन गरेका हुन् ।

गायक ध्रुव बिस्कोले यसअगाडि मायाले जित्यो बोलको गीत ल्याएका थिए । सोही भिडियोबाट उनले निर्देशन गर्न थालेका हुन् ।