प्रचण्डलाई किन भेट्यो कलाकार टोलीले उनकै निवासमा ? (तस्बिरमा हेर्नुस्)

नेकपा (माओवादी केन्द्र)का अध्यक्ष पुष्पकमल दाहाल प्रचण्डलाई आज गायक राजेश पायल राई र हाँस्य कलाकार सन्दीप क्षेत्रीसहित कलाकारको एक टोलीले भेटघाट गरेको छ ।

टोलीले उनकै निवास खुमलटार गएर प्रचण्डसँग भेट गरेको हो । भेट गर्नेमा गायक राजेश पायल राई, हाँस्य कलाकार सन्दीप क्षेत्री, गायक तथा संगीतकार चेतन सापकोटा, गायिका कल्पना दाहाल, रीता सिवाकोटी, करिश्मा ढकाललगायत सहभागी थिए ।

प्रचण्डले कलाकारहरूसँग अलग–अलग भेटवार्ता गरेको संगीतकार सापकोटाले सामाजिक सञ्जालमार्फत जानकारी दिएका छन् ।

उनीहरुले प्रचण्डसँगको भेटमा पछिल्ल्लो समय नेपाली संगीत र घटनाक्रमको विषयमा कुराकानी गरेका थिए ।

राजेशपायलका अनुसार नेपाली कलाकार र संगीतलाई माया गर्ने नेता भएका कारणले पनि भेटघाट भएको हो । साथै नेपाली गीतसंगीतको विकासका लागि के गर्न सकिन्छ भन्ने विषयमा नै कुराकानी भएको राजेशले बताए ।

कलाकारहरूले पारिवारिक वातावरणमा खुलेर मनका कुरा राखेका उनले बताएका छन् ।