‘लप्पनछप्पन २’को ट्रेलर सार्वजनिक, अर्पण थापा फरक भूमिकामा

फिल्म ‘लप्पनछप्पन २’को ट्रेलर सार्वजनिक भएको छ । यो फिल्मको ट्रेलर आज ओएसआर डिजिटलबाट सार्वजनिक गरिएको छ ।

सार्वजनिक फिल्मको ट्रेलरमा मुख्य कलाकारहरु सौगात मल्ल, अर्पण थापा, अनुपविक्रम शाही लगायतलाई देखाइएको छ । अर्पणले भने यस फिल्ममा फरक भूमिका निभाएको देख्न सकिन्छ।

‘मुकुन्द भट्टको निर्देशनमा बनेको ‘लप्पनछप्पन २’ यही फागुन २० गतेबाट फिल्ममा हलमा प्रदर्शन हुने छ । निर्माण सम्पन्न भएको लामो समय भएपनि कोभिड-१९ महामारीका कारण यो फिल्मको प्रदर्शन मिति पटकपटक सारिदै आएको थियो ।

यसअघिको फागुन १३ गतेलाई प्रदर्शन मिति तोकेको थियो । यो मितिमा ‘म यस्तो गीत गाउँछु २’आउने भएपछि त्यसको एक सातापछि प्रदर्शनमा आउने भएको हो । एक्सन जनरामा निर्माण भएको यो फिल्मलाई युरोपका विभिन्न स्थानमा छायांकन गरिएको छ ।