अन्जु पन्तले श्रीमानलाई ‘भ्यालेन्टाइन डे’मा डेब्यु गराईन्

अन्जु पन्तको स्वरमा रहेको गीत ‘अव छोडेर जाने’ सार्वजनिक गरिएको छ । ‘भ्यालेन्टाइन डे’ को अवसर पारेर गीत सार्वजनिक गरिएको हो ।

भिडियोमा अन्जु पन्त र उनका श्रीमान थीर कोइरालाको अभिनय देख्न सकिन्छ। अन्जुले थीर जीवनमा आएपछि फर्किएको खुसी र उनको आवश्यकता गीत मार्फत व्यक्त गरेकी छिन्। अन्जुले श्रीमान थीरलाई यस भिडियो मार्फत डेब्यु गराएकी हुन् ।

अन्जु र थिरले गत वर्ष विवाह गरेका हुन् । भिडियोमा उनीहरुको विवाहको दृश्य समेत समावेश गरिएको देख्न सकिन्छ । गीतको रचना गोविन्द हुमागाईले गरेका छन् भने संसगीत कर्मा ग्याल्चेन बोमजनको रहेको छ ।

लक्ष्मण दिशालीको निर्देशन र सम्पादन रहेको भिडियोमा सहायक निर्देशक रमेश दियाली रहेका छन् । त्यस्तै भिडियोको नरेन्द्र लोहोनीले छायांकन गरेका छन् । हाल अमेरिकामा रहेकी अञ्जुले सोमबार भ्यालेन्टाइन डेको अवसर पारेर यस गीतलाई अन्जु पन्तको अफिसियल युट्युब च्यानलमार्फत सार्वजनिकगरेकी हुन् ।