भोलिदेखि फिल्म हल खुल्ने

कोरोना माहामारीका कारण दोस्रोपटक बन्द गरिएका फिल्म हल फागुन १ देखि खुल्ने भएका छन्।

सरकारले फागुन १ गतेदेखि फिल्म हल खाेल्ने निर्णय गरेकाे हाे। कोभिड-१९ संकट व्यवस्थापन केन्द्र (सीसीएमसीसी) को आइतबार बसेको बैठकले स्वास्थ्य सुरक्षाका मापदण्ड पालना गर्दै फिल्म हल खुलाउन सरकारलाई सिफारिस गरेको थियो।

तेस्रो लहर सुरु भएपछि सरकारको निर्देशनमा स्थानीय प्रशासनले गत माघ ३ गतेदेखि हल बन्द गराएको हो।  जिल्ला प्रशाशन कार्यालयले १ फागुनवाट स्वास्थ्य मापदण्ड अपनाएर खोल्ने अनुमति दिए लगत्तै फिल्म हलहरु खुल्ला हुने भएका हुन् ।

फिल्म हल खुल्ला हुने बितिक्कै दक्षिण भारतीय फिल्म पुष्पा र नेपाली फिल्म चपली हाइट–३ लगायतका फिल्म हलमा प्रदर्शन हुने छन् ।