‘हनी बनी’ मा अनमोल र जसिताले रोमान्स गर्ने !

नायक अनमोल केसीले नयाँ फिल्म ‘हनी बनी’ साइन गरेपछि अभिनेत्री को हुने भन्ने चर्चा थियो ।

लामो समय देखि फिल्म ‘एक्स नाइन’को सुटिङमा जाने भनेर तयारी गरेर बसेका अनमोल सुटिङ अनिश्चित बने पछि फ्लोरमा जाने फिल्मको खोजीमा रहेका थिए जस्मा उनले ‘हनी बनी’ साइन गरेका हुन् ।

दिवाकर भट्टराईको निर्देशनमा घोषणा भएको फिल्म ‘हनी बनी’मा अनमोलले जसितासँग रोमान्स गर्ने पक्का जस्तै रहेको जानकारी आउँदा निर्माण टिमले भने यस बारेमा केहि खुलाएको छैन ।

अनमोलले यस फिल्मका लागि सुरुमा स्कृप्ट पढिसकेपछि फिल्मको लागि तयार भएका हुन् । महंगो पारिश्रमिकले चर्चामा आउने अनमोलले यो फिल्मको लागि कति रकम लिए खुलाइएको छैन ।

फिल्म ड्रिम्स र क्यापटेमा सहकार्य गरेका दिवाकरले अनमोलसँग यो दोस्रो सहकार्य गर्दै छन् । एक्स ९’को लागि शरिर बनाएर तयार भएका अनमोल उक्त फिल्म तत्काललाई पोष्टपोण्ड भएपछि’हनी बनी’को लागि तयार भएका हुन् ।

अनमोलले ‘एक्स नाइन’का लागि भनेर जनवरी फ्रेब्रुअरीको मिति छुट्याएका थिए । फिल्मकै लागि भनेर ज्यान पनि बनाएका थिए । साहाकारी रहेका उनी यसै मांसाहारी समेत बनेका थिए । तर कारण स्पष्ट छैन तर यो फिल्म नबन्ने हल्ला चल्यो । यसपछि घरबाटै तीनवटा फिल्म घोषणा गरेका अनमोलसँग घरकै फिल्म गर्ने कि बाहिरका फिल्म गर्ने विकल्प थिए, उनले फेरि एक पटक घरको हैन बाहिरको फिल्म रोज्ने निर्णय गरेका छन् ।

यो फिल्मको सम्पुर्ण छायांकन बेलायतमा हुने बताइएको छ ।निर्माण टिमले यो फिल्मको बजेट ७ करोड दाबी गरेको छ । यो फिल्मको मुख्य अभिनेत्रीमा जसिता गुरुङ पक्का पक्की रहने स्रोत बताउँछ।

एबी इन्टरनेशलको प्रस्तुतीमा निर्माण हुने फिल्ममा अमित बस्नेत, अजित केआर थापा र परी रानाको लगानी रहनेछ । निर्माण टिमले भ्यालेन्टाइनको दिन पोस्टर र टिजर सार्वजनिक गर्ने लक्ष्यसहित अनमोलले फिल्म साइन गरेको कुरा सार्वजनिक गरेको छैन ।