फिल्म ‘आकाशे खेती’ को टिजर सार्वजनिक

उदय सुब्बाको निर्देशन रहेको फिल्म हो ‘आकाशे खेती’ जसको टिजर आज सार्वजनिक भएको छ। ‘यस अघि आकाशे खेती’को ‘चिटिक्कैै परेर आइछ्यौ’ बोलको गीतको सार्वजनिक भएको थियो ।

सार्वजनिक टिजरमा गौरव पहारी, विल्सन बिक्रम राई , बुद्धि तामाङलाई देख्न सकिन्छ ।

कमेडी कथामा निर्माण भएको फिल्ममा समाजका विभिन्न घटनाक्रमलाई मनोरञ्जनात्मक रुपमा फिल्ममा प्रस्तसत गरिएको निर्देशक सुब्बाले बताए ।

उदय सुब्बाको निर्देशन रहेको फिल्म युवाहरुको विना मिहिनेत पैसा कमाउने सपना र तिब्बतियन शरणार्थीको विषयमा निर्माण भएको यो निर्देशक सुब्बाको १८ औं फिल्म हो । यस अगाडि सुब्बाले थुप्रै सफल फिल्म दिएका छन् । फिल्म युवादेखि बृद्धसम्मको रूचिलाई ध्यानमा राखेर निर्माण गरिएको निर्देशक सुब्बाले बताए । फिल्म फागुन २७ गतेबाट सार्वजनिक प्रदर्शनमा आउँदैछ । फिल्म जि.जि ग्रुपका करण श्रेष्ठले उपत्यका र एफ.डि कम्पनीले उपत्यका बाहिर वितरण गर्नेछ ।

फिल्ममा गौरव पहारी, विल्सन बिक्रम राई ‘तक्के बुढा’, बुद्धि तामाङ ‘हैट’, निता ढुङ्गाना, रविन्द्र झा, रमा लिब्बु, जयनन्द लामा, शिशिर बाङ्देल लगायतको मुख्य भूमिका छ । केदार उप्रेती, जीवन सुब्बा, राजेन्द्र चोङबाङ, दीलप्रकाश याक्सो निर्माता रहेको फिल्मको कथा निर्देशक आफैले तयार पारेका हुन् । फिल्मको सम्वाद भने कलाकार विल्सन बिक्रम राई ‘तक्के बुढा’ ले लेखेका हुन् ।

एसएस इन्टरनेशनल फिल्मस् र ताक्मे प्रोडक्सनको संयुक्त ब्यानरमा निर्माण भएको फिल्ममा बिक्रम डिसीको छायाँकन, सुजन बडालको सम्पादन, राजु किरातीको द्वन्द्व, रामजी लामिछाने र राजिव सिंहको नृत्य, विकास चौधरी र बादल लिम्बुको संगीत छ ।