फिल्म ‘परस्त्री’ मा शिल्पाको प्रवेश

फिल्म ‘परस्त्री’मा शिल्पा मास्के अनुबन्ध भएकी छिन् । निर्माण साझेदार दीपेन्द्र के खनालले सामाजिक सञ्जालमा शिल्पालाई अनुबन्ध गरेको जानकारी गराएका छन् ।

केही दिनअघि निर्माण टिमले औपचारिक कार्यक्रम गर्दै फिल्मको घोषणा गरेको थियो । यस अगाडि फिल्मको मुख्य अभिनेताको रुपमा कोशिश क्षेत्री छानिएका थिए । तर कोशिसबाहेकका कलाकार अडिसनबाट छानिने जानकारी गराइएको थियो । शिल्पा र कोशिशको रोमान्स फिल्ममा देख्न सकिन्छ ।

यसमा दुई महिला कलाकार र एक पुरुष कलाकार मुख्य थिए । निर्माण टिमले यही दुईमध्ये एकमा शिल्पालाई अनुबन्ध गरेको हो । ‘ब्रेकअप’बाट डेब्यु गरेकी शिल्पाले ‘कागजपत्र’, ‘सानो मन’ आदि फिल्ममा अभिनय गरेकी छिन् ।

डीएस डिजिटलको ब्यानरमा निर्माण हुने फिल्म फागुन २९ गतेबाट छायाङ्कनमा जाने तयारीमा रहेको छ । फिल्म शर्मिला पाण्डेले निर्माण गर्न लागेकी हुन् । निर्देशक सुरज निर्माता पाण्डेका छोरा हुन् ।