अभिनेत्री राधिकाले करियरको पहिलो सुटिङमै किन्नुपर्यो गर्भनिरोधक चक्की !

बलिउडमा हरेक वर्ष हजारौं मानिस आफ्नो भाग्य आजमाउन आउँछन्, तर तीमध्ये थोरैले मात्र आफ्नो नाम बनाउँछन्। एउटै स्टारकिड्सको कुरा गर्ने हो भने उनीहरुले बिना मिहिनेत जुनसुकै ठूलो फिल्ममा काम गर्ने मौका पाउँछन् । त्यसैगरी बलिउडमा करियर सुरुवात गर्नेको गडफादर नभएको अवस्थामा उनीहरुले पछाडी कुनै भूमिका पाउनेछैनन् ।

यस्तैमा, बलिउड अभिनेत्री राधिका मदनले ‘पटाखा’, ‘शद्दत’, ‘हिन्दी मिडियम’लगायतका फिल्ममा काम गरेर आफ्नो छुट्टै पहिचान बनाउन सफल भएकी छन् । उनले टिभीबाट आफ्नो करियर सुरु गरेकी अभिनेत्री राधिकाले पछिल्लो समय बलिउडमा लगातार हिट फिल्म दिइरहेकी छन् ।

राधिकाले कलर्स टिभी च्यानलको चर्चित शो ‘मेरी आशिकी तुम से ही’ बाट अभिनयमा डेब्यु गरेकी थिइन् । उनी यस सिरियलमा मुख्य अभिनेत्री थिइन् । लगातार हिट फिल्म दिइरहेकी अभिनेत्री राधिकाले आफ्नो करियरको पहिलो दिनको सुटिङमा नै केही यस्तो गर्नुप¥यो, जुन सुनेर हामी सबैलाई आश्चर्य लाग्नसक्छ ।

फिल्म ‘सिद्दत’को प्रमोशनका क्रममा अभिनेत्री राधिका मदनले एक अन्तर्वार्तामा आफ्नो करियरको सुरुवातमा निकै संघर्ष गर्नुपरेको बताएकी छन् । उनले आफ्नो डेब्यूको बारेमा खुलासा गर्दै भनेकी छन्, ‘त्यो मेरो सुटिङको पहिलो दिन थियो र मैले सुटिङको पहिलो दिनमै गर्भनिरोधक चक्की किनेकी थिएँ ।’

राधिकाले बलिउडमा पहिलो ब्रेक फिल्म ‘पटाखा’ बाट पाएकी थिइन् । फिल्मलाई विशाल भारद्वाजले निर्देशन गरेका हुन् । तर राधिकाका अनुसार उनको पहिलो फिल्म ‘मर्द को दर्द नही होता’ थियो । तर ‘पटाखा’को छायांकन पहिले नै सकिएपछि उनको डेब्यु फिल्म बनेको हो ।

निर्देशकले गर्भनिरोधक चक्की किन्न आग्रह गर्दा आफू अचम्मित परेको उनले बताइन् । उनले भनिन्, ‘यद्यपि त्यो मेरो पहिलो शट थियो, त्यसैले मैले यसलाई लिनुप¥यो ।’

राधिका मदनले थप भनिन, ‘त्यतिबेला मलाई सरप्राइज दिन आमाबुवा मेरो घर पुगेका थिए । उनीहरुलाई देखेर म खुसी भए । तर, घरमा गर्भनिरोधक चक्की देखेपछि उनीहरु छक्क परे ।’ राधिकाले भनिन्, ‘मेरो बुवाले औषधि हेरेर अचम्मित हुनुभयो, तर केही भन्नुभएन ।’

अभिनेत्री राधिका मदनले ‘पटाखा’ र भाग्यश्रीका छोरा अभिमन्यु दासानीसँग ‘मर्द को दर्द नही होता’ फिल्मबाट आफ्नो छुट्टै पहिचान बनाउन सफल भइन् । तर, राधिकाले इरफान खानको अन्तिम फिल्म ‘हिन्दी मिडियम’मा इरफानको अन–स्क्रीन छोरी बनेर दर्शकहरुको मन जितेकी छन् ।