सुबेदीको निर्देशनमा ‘ठगराज’

नयाँ फिल्म ‘ठगराज’ बन्ने भएको छ । बुधबार आफ्नो जन्मदिनको अवसर पारेर फिल्म पत्रकार समेत रहेका लक्ष्मण सुबेदीले फिल्म ‘ठगराज’ निर्माणको घोषणा गरेका हुन् । फिल्ममा सुबेदीकै लेखन र निर्देशन रहनेछ ।

सामाजिक विषयवस्तुमा आधारित रहने फिल्म निर्माणमा सुबेदीको दिलाशा क्रियशन र गोल्डेन स्टेट मुभी मेकर्स एलएलसी क्यालिफोर्नियाको सहकार्य रहने छ ।

फिल्मका बारेमा थप जानकारी भने सार्वजनिक गरिएको छैन । दुई दशक फिल्म पत्रकारितामा विताएका सुबेदीले सन् २०१४ को फिल्म ‘एउटा साथी’बाट निर्देशनमा डेब्यु गरेका थिए । ‘ठगराज’ उनको तेस्रो निर्देशकिय फिल्म रहनेछ ।