बहुप्रतीक्षित फिल्म ‘आरआरआर’ को नयाँ प्रदर्शन मिति घोषणा

अभिनेता रामचरण, जुनियर एनटिआर, अजय देवगन र आलिया भट्ट स्टारर फिल्म ‘आरआरआर’ को नयाँ प्रदर्शन मिति घोषणा गरिएको छ ।

बाहुबली’ फेम्ड निर्देशक एसएस राजामौली निर्देशित बहुप्रतिक्षीत फिल्म ‘आरआरआर’ कोरोना महामारीको तेस्रो लहरका कारण गत जनवरी ७ मा प्रदर्शन हुन सकेन ।

यसबीच, फिल्मको नयाँ प्रदर्शन मिति घोषणा गरिएको हो। अजय देवगनले नै फिल्मको पोस्टर सामाजिक सञ्जालमा सेयर गरेर नयाँ प्रदर्शन मितिबारे जानकारी दिएका हुन् ।

यस पोस्टरमा ‘आरआरआर’ २५ मार्चमा सिनेमाघरहरूमा प्रदर्शन हुने उल्लेख छ । फिल्म हिन्दी, तमिल, तेलुगु, मलयालम र कन्नड गरी पाँच भाषामा प्रदर्शन हुनेछ ।