यी अभिनेत्रीसँग डेट गर्दै ऋतिक

बलिउड अभिनेता ऋतिक रोशन एकपटक फेरि आफ्नो व्यक्तिगत जीवनलाई लिएर चर्चामा छन् । हालै उनी एक अभिनेत्रीसँग डिनर डेटमा गएको देखिएको हो ।

यी अभिनेत्री अरु कोहि न होइनन् सबा आजाद हुन् । सबा आजाद र ऋतिक रोशन हालै मुम्बईको एक रेष्टुरेन्ट बाहिर देखिएका थिए । यस क्रममा ऋतिक रोशन सबा आजादको हातमा हात समातेको देखिएको थियो ।

त्यसयता ऋतिक रोशन र सबा आजाद एकअर्कालाई डेट गर्दैछन् भन्ने हल्ला चलेको थियो । यद्यपी दुबै कलाकारको तर्फबाट अहिलेसम्म कुनै आधिकारिक भनाई भने आएको छैन, तर ऋतिक रोशनलाई डेट गर्ने प्रश्नमा सबा आजादले कुनै जवाफ नदिई टाढिएको देखियो । वास्तवमा, डिनर डेटमा सँगै देखिएपछि अङ्ग्रेजी वेबसाइट टाइम्स अफ इन्डियाले साबा आजादसँग कुरा गर्ने प्रयास ग¥यो।

वेबसाइटले साबा आजादलाई ऋतिक रोशनसँगको डिनर डेटको तस्विर भाइरल भएको बारे सोध्यो। जसमा अभिनेत्री केही नबोली टाउको हल्लाएकी थिइन् । सबा आजादले भनिन्, ‘माफ गर्नुहोस्, म केही काममा व्यस्त छु ।’ सबा आजादले धेरै बलिउड फिल्ममा अभिनय गरिसकेकी छिन् । उनले सन् २००८ मा फिल्म दिल कबड्डीबाट आफ्नो करियर सुरु गरेकी थिइन् ।

त्यसपछि सबा आजाद २०११ मा आएको फिल्म ‘मुझसे फ्रेन्डशिप करोगे’ मा देखिएकी थिइन् । उनी पछिल्लो पटक फिल्स लाइक इश्क फिल्ममा देखिएकी थिइन् । सबा आजाद एक अभिनेत्री हुनुका साथै इमाद शाहद्वारा सञ्चालित इलेक्ट्रोनिक म्युजिक ब्यान्डको एक हिस्सा हुन्। सबा आजाद छिट्टै वेब सिरिज रकेट ब्वाईजमा देखिनेछिन् ।

यस वेब सिरिजमा उनी बाहेक जिम सरभ, इस्वास्क सिंह र रेजिना क्यासान्ड्रा महत्वपूर्ण भूमिकामा हुनेछन् । त्यहाँ ऋतिक रोशनको कुरा गर्दा उनले सुजैन खानसँग डिभोर्स गरिसकेका छन् । उनका दुई छोरा पनि छन् । ऋतिक रोशनले सन् २००० मा सुजैन खानसँग विवाह गरेका थिए । तर, उनीहरुको विवाह लामो समय टिक्न सकेन र ऋतिक रोशन र सुजैनले सन् २०१४ मा सम्बन्धविच्छेद गर्ने निर्णय गरे ।