राहुल र अलिसाको जोडीलाई ३ बर्षपछि एकसाथ भिडियोमा

नेपाली सांगीतिक क्षेत्रमा मोडलद्धय राहुल शाह र अलिसा शर्माले केही हिट गीतमा अभिनय गरेका छन् । दर्शकले उनीहरूको जोडीलाई रुचाएको पनि देखिन्थ्यो । तर, ३ वर्षयता राहुल र अलिसाले एकसाथ भिडियोमा काम गरेका थिएनन् ।

उनीहरू भिडियोमा एकसाथ नदेखिदा सम्बन्धमा कतै दरार आएको त होइन भन्ने अड्कलबाजी पनि चलेको थियो । अब, भने यो हिट जोडीले नयाँ भिडियोमा एकसाथ काम गरेको छ । केही हिट गीत दिइसकेका गायक समिर आचार्यले ‘सुटुक्कै’ बोलको नयाँ गीत सार्वनिक गरेका हुन् । उनको साथमा जेनीशा गौतम र मिस्टर आरजेको स्वर रहेको छ ।

‘काफल गेडी कुटुक्कै’ बोलको गीतमा यो जोडीको अभिनय हेर्न सकिन्छ ।

यो गीतमा समीर आचार्य र जेनिसा गौतमको स्वर, राजेन्द्र भट्टको संगीत, नवराज कलाउनीको शब्द छ ।भिडियोमा हरि हुमागाँईको छायाँकन छ भने राहुल शाहले भिडियोमा कोरियोग्राफी तथा निर्देशन गरेका हुन् । भिडियोलाई छोटो समयमा नै दर्शकले रुचाएका छन् ।