बंगलादेशी अभिनेत्री रायमा दुई टुक्रा पारे अवस्थामा भेटिइन्

वेपत्ता बंगलादेशी अभिनेत्री रायमा इस्लाम शिमूको शव एक बोरामा दुई टुक्रा पारेर बन्द गरिएको अवस्थामा प्रहरीले फेला पारेको छ ।

प्रहरीका अनुसार शव सोमबार बिहान ढाकाको केरानीगञ्जमा अवस्थित आलियापुर इलाकाको हजरतपुर पुल नजिकैको सडक किनारमा भेटिएको थियो ।

३५ वर्षकी अभिनेत्रीको घाँटीमा निशान थियो । यो मामलामा उनका पति र पतिका ६ साथीलाई प्रहरीले पक्राउ गरेको छ ।

प्रहरीले अभिनेत्रीका पति सखावत, उनका साथी र चालकलाई तीन दिन हिरासतमा लिएको छ । पति सखावतले घरेलु विवादका कारण रायमाको हत्या गरेको स्वीकारेको छ । प्रहरीले रायमाको शवलाई पोस्टमार्टमका लागि मिडफोर्ड अस्पतालमा पठाएको छ ।

रायमा ढाकाको ग्रीन रोड इलाकामा पति र दुई सन्तानका साथ बस्थिइन् । शिमू आइतबार बिहान मावामा सुटिङका लागि घरबाट निस्किएकी थिइन् । त्यसपछि उनी सम्पर्कविहिन भएकी थिइन् । छोराछोरीले उनलाई पटक–पटक मोबाइल सम्पर्क गर्न खोज्दा पनि सम्पर्क भएको थिएन । अभिनेत्री बेलुकासम्म रायमा घर नआएपछि परिवारका सदस्यले कालाबगान थानामा निवेदन दिएका थिए ।

शव मिलेपछि रायमाका भाई शाहिदुल इस्लाम खोकानले रायमाका पति सखावत अमीन नोबेलविरुद्ध उजुरी दिएका थिए । ढाकाका जिल्ला पुलिस अधीक्षक मारुफ हुसेन सरदरले सखावत र उनका साथीसहित एक कारलाई पनि नियन्त्रणमा लिएको बताए । उनका अनुसार गाडीको पछाडिको सिटमा रगत भेटिएको थियो ।

अभिनेता जायद खान पनि खोकानका साथ थानामा पुगेका थिए । फिल्मकर्मीहरुका अनुसार रायमाको बंगलादेश फिलम आर्टिस्ट एसोसिएशनमा सदस्यलाई लिएर जायदसँग विवाद चलिरहेको थियो । यद्यपि खानले आरोपको खारेज गर्दै उनले विगत दुई वर्षयता रायमासँग फोनमा कुराकानी नगरेको दाबी गरेका छन् ।

रायमाले आफ्नो अभिनय करियरको सुरुवात काजी हयातको फिल्म ‘प्रेजेण्ट’बाट गरेकी थिइन् । त्यसपछि उनले देलवर जहाँ झन्तु, चाशी नजरूल इस्लाम, शरीफ उद्दीन खान दीपूलगायतका निर्देशकका फिल्ममा काम गरिन् ।

सन् १९९६ देखि २००४ सम्म उनले करिब २५ फिल्ममा काम गरिन् । उनले ५० बढी नाटकमा पनि अभिनय गरिन् । उनको आफ्नो प्रोडक्सन हाउस पनि थियो । – एजेन्सी